शिवप्रहार न्युज - संगमनेर रोडवर वाहनाच्या धडकेत एकाचा मृत्यू…
Editor Chandu Aage 
संगमनेर रोडवर वाहनाच्या धडकेत एकाचा मृत्यू…
श्रीरामपूर (प्रतिनिधी)- श्रीरामपुरात संगमनेर रोडवर शुभम मंगल कार्यालयाजवळ मंगळवारी रात्री एका अज्ञात वाहनाची जोरात धडक बसून या धडकेत एका अंदाजे ६० वर्षीय हाताने अपंग असलेल्या इसमाचा मृत्यू झाला आहे. याप्रकरणी श्रीरामपूर शहर पोलिसात अज्ञात वाहन चालकाविरोधात गुन्हा दाखल करण्यात आला आहे.
सदर मृत पावलेल्या इसमाच्या अंगात आकाशी रंगाचा हाप शर्ट, फूल पँट, वाढलेली दाढी तसेच त्याचा एक हात खांद्यापासून आखूड आहे. पोलीस याप्रकरणी तपास करीत असून या मयताची ओळख पटत नसून कोणाला या इसमाबाबत काही माहित असल्यास त्यांनी शहर पोलिसांना संपर्क साधण्याचे आवाहन श्रीरामपूर शहर पोलिसांनी केले आहे.
