शिवप्रहार न्यूज-दोन दिवसात दोन मोटार सायकलची चोरी;श्रीरामपूर शहर पोलीस ठाण्यात दोन गुन्हे दाखल

दोन दिवसात दोन मोटार सायकलची चोरी;श्रीरामपूर शहर पोलीस ठाण्यात दोन गुन्हे दाखल...

श्रीरामपूर -श्रीरामपूर शहरातील पहिल्या घटनेमध्ये वार्ड नं ०२ ,श्रीरामपूर या ठिकाणाहून जाकीर कासम शेख,राहणार- गुलशन नगर रोड ,वार्ड नंबर 2 ,श्रीरामपूर याची पंचवीस हजार रुपये किमतीची हिरो होंडा स्प्लेंडर मोटर सायकल कोणीतरी अज्ञात चोरट्यांनी चोरून नेली म्हणून  श्रीरामपूर शहर पोलीस ठाण्यात गुन्हा रजिस्टर नंबर 280/2021 भादवि कलम 379 प्रमाणे गुन्हा दाखल करण्यात आला आहे. त्याचा तपास पोलिस नाईक जाधव हे श्रीरामपूर शहर पोलीस स्टेशनचे पोलीस निरीक्षक श्री. सानप यांच्या मार्गदर्शनाखाली करत आहे.
               दुसऱ्या प्रकारामध्ये लक्ष्मी-नारायण नगर ,बेलापूर बुद्रुक, तालुका श्रीरामपूर या ठिकाणाहून बाळासाहेब सूर्यभान वायखिडे , राहणार -लक्ष्मीनारायण नगर ,बेलापूर ,तालुका -श्रीरामपूर याची  तीस हजार रुपये किमतीची होंडा डिलक्स मोटरसायकल ही हँडल लॉक केलेले असतानाही कोणीतरी अज्ञात चोरट्यांनी चोरून नेली म्हणून त्यांच्या फिर्यादीवरून श्रीरामपूर शहर पोलीस ठाण्यात गुन्हा रजिस्टर नंबर 285/ 2021 भादवि कलम 379 प्रमाणे गुन्हा दाखल करण्यात आला आहे. या गुन्ह्याचा तपास पोलिस नाईक ढोकणे हे श्रीरामपूर शहर पोलिस स्टेशनचे पोलीस निरीक्षक श्री. सानप यांच्या मार्गदर्शनाखाली करत आहेत.
              लोकडाऊन चालू असल्यामुळे आधीच नागरिक आर्थिक संकटामुळे त्रस्त आहे. त्यात झालेल्या मोटरसायकल चोरींमुळे या दोन नागरिकांचे नुकसान झाले आहे.