शिवप्रहार न्युज - शिरसगाव परिसरामध्ये महिन्याभरापासुन धुमाकूळ घालणारा बिबट्या जेरबंद…
Editor Chandu Aage 
शिरसगाव परिसरामध्ये महिन्याभरापासुन धुमाकूळ घालणारा बिबट्या जेरबंद…
श्रीरामपूर (प्रतिनिधी)-गेल्या महिन्याभरापासून तालुक्यातील शिरसगाव हद्दीमध्ये धुमाकूळ घालणाऱ्या बिबट्याच्या जोडीमधील एक बिबट्या जेरबंद करण्यात काल रात्री वन विभागाला यश आले आहे.
येथील शिरसगाव भागात गेल्या महिनाभरापासून ०२ बिबट्यांचा वावर होता.यामुळे परिसरातील ग्रामस्थांमध्ये प्रचंड दहशत होती. पिंजरा लावण्याची वनविभागाकडे वारंवार मागणी करण्यात येत होती. चांगदेव बकाल व किशोर बकाल यांच्या उसाच्या शेतात वन विभागाने पिंजरा लावला होता. त्यामध्ये बिबट्यासाठी भक्ष ठेवण्यात आले हाते. या भक्षाच्या नादात बिबट्या काल सोमवारी रात्री साडेनऊ वाजेच्या सुमारास पिंजऱ्यात अलगद अडकला.
मात्र त्याच्यासोबतचा दुसरा बिबट्या अद्याप बाहेर असल्याने आणखी एक पिंजरा लावण्याची मागणी ग्रामस्थांनी केली आहे.रात्री उशिरा वन विभागाचे अधिकारी घटनास्थळी दाखल झाले.
