शिवप्रहार न्युज - कान्हेगावात १० वीच्या विद्यार्थ्याचा विजेच्या धक्क्याने दुर्दैवी मृत्यू...
Editor Chandu Aage 
कान्हेगावात १० वीच्या विद्यार्थ्याचा विजेच्या धक्क्याने दुर्दैवी मृत्यू...
श्रीरामपूर (शिवप्रहार न्युज)- श्रीरामपूर तालुक्यातील कान्हेगाव येथे विजेच्या धक्क्याने १५ वर्षीय विद्यार्थ्याचा दुर्दैवी मृत्यू झाला आहे. ओम संतोष देवराय (वय १५) असे मृत झालेल्या विद्यार्थ्याचे नाव आहे.
ओम देवराय हा राहत्या पत्र्याच्या घरात उष्णतेची तिव्रता कमी व्हावी यासाठी घराच्या छतावर पाचरट टाकण्यास गेला असता अचानक विजेचा शॉक लागून त्याचा दुदैवी मृत्यू झाला. ओम हा येथील सरपंच देवराय यांचा पुतण्या असून त्याने नुकतीच इ. १० वी बोर्डाची परीक्षा दिली होती. शांत व संयमी स्वभाव असलेला ओम नेहमी धार्मिक कार्यात अग्रेसर असायचा. त्याच्या निधनामुळे परीसरात हळहळ व्यक्त होत आहे.
