शिवप्रहार न्युज - श्रीरामपुरात म्हाडामध्ये चौथ्या मजल्यावरून उडी घेऊन आत्महत्या...
Editor Chandu Aage 
श्रीरामपुरात म्हाडामध्ये चौथ्या मजल्यावरून उडी घेऊन आत्महत्या...
श्रीरामपूर (शिवप्रहार न्यूज)- श्रीरामपूर शहरातील म्हाडा कॉलनी येथील एका बिल्डिंगच्या चौथ्या मजल्यावरील फ्लॅटच्या गॅलरीतून उडी घेऊन एकाने आत्महत्या केली आहे. आज बुधवारी सकाळी घरामध्ये किरकोळ कारणावरून झालेल्या वादातून परदेशी नावाच्या व्यक्तीने चौथ्या मजल्यावरून उडी घेतली. यावेळी ते गंभीर जखमी झाल्याने त्यांना उपचारासाठी लोणी येथे दाखल करण्यात आले होते, परंतु तेथेच त्यांचा मृत्यू झाला. परदेशी हे मूळचे छत्रपती संभाजीनगर येथील असून श्रीरामपूर येथे रंग कामाचा व्यवसाय करत असल्याचे सांगितले जात आहे. परदेशी यांनी नेमक्या कोणत्या कारणातून उडी घेऊन आपली जीवन यात्रा संपवली याचे नेमके कारण समजू शकले नाही.
