शिवप्रहार न्युज - श्रीरामपुरात संदल मिरवणुकीच्या बंदोबस्तावरील पोलिसांवर दगडफेक...
Editor Chandu Aage 
श्रीरामपुरात संदल मिरवणुकीच्या बंदोबस्तावरील पोलिसांवर दगडफेक...
श्रीरामपूर(शिवप्रहार न्युज)- श्रीरामपूर शहरामध्ये काल रात्री आयोजित करण्यात आलेल्या काझीबाबा संदल मिरवणुकीमध्ये टोळक्याकडून बंदोबस्ताकरिता असलेल्या पोलिसांवर दगडफेक करण्यात आली.
याबाबतची अधिक माहिती अशी की,नॅार्दन ब्रांच,संगमनेर रोड परिसरातून काझीबाबा संदलची एक मिरवणूक छत्रपती शिवाजी महाराज चौकामध्ये आली असता तेथून ती मिरवणूक वेळेत वार्ड नंबर ०२ मध्ये जाणे अपेक्षित होते.परंतू मिरवणुकीतील जमावाने छत्रपती शिवाजी महाराज चौकामध्ये जास्त वेळ मिरवणूक थांबवुन ठेवल्यामुळे पोलिसांनी त्यांना मिरवणूक पुढे घेण्यास सांगितले असता त्याचा राग येवुन या मिरवणुकीतील एका टोळक्याने पोलिसांवर दगडफेक केली.त्यामध्ये ०२ पोलीस कर्मचारी जखमी झाले आहे.
या घटनेमुळे शहरात काही काळ तणाव निर्माण झाला होता.हिंदुत्ववादी कार्यकर्ते देखील छत्रपती शिवाजी महाराज चौकाच्या एका बाजूला मोठ्या संख्येने जमले होते.या घटनेनंतर मोठा पोलीस फौजफाटा शहरात दाखल झाला आहे.
याप्रकरणी विविध कडक कलमांन्वये गुन्हा दाखल करण्यात आला असल्याची माहिती पोलीस सुत्रांकडून मिळत आहे.
