शिवप्रहार न्युज - सनफ्रेश ॲग्रोत बहुजन विकास पॅनलचा मोठा विजय...

सनफ्रेश ॲग्रोत बहुजन विकास पॅनलचा मोठा विजय...

   श्रीरामपूर (शिवप्रहार न्युज)- सनफ्रेश ॲग्रो इंडस्ट्रीज प्रायव्हेट लिमिटेड (प्रभात डेअरी) येथे कामगार संघटनेच्या निवडणुकीत " बहुजन विकास पॅनलने ७ - ० ने पुन्हा एकदा बाजी मारत मोठा विजय मिळवला आहे. दर तीन वर्षांनी लोकशाही पद्धतीने होणाऱ्या कामगार संघटनेच्या पदाधिकारी निवडणुकीत पुन्हा एकदा मागील विद्यमान कमिटीने ७ - ० ने निवडणूक जिंकून बाजी मारली आहे. संघटनेचे अध्यक्ष अमोल अर्जुन अरंगळे व इतर कमिटी सदस्य यांनी या विजयाचे श्रेय सर्व संघटनेच्या कामगार सदस्यांना दिले आहे. 

   सदर निवडणुकीत "बहुजन विकास पॅनल"चे ७ उमेदवार व "स्वाभिमानी परिवर्तन पॅनल" यांचे ७ उमेदवार तर २ अपक्ष उमेदवार रिंगणात होते. या निवडणुकीत बहुजन विकास पॅनलच्या सर्व ७ उमेदवारांनी बहुमताने विजय मिळवत आपले वर्चस्व कायम ठेवले आहे. एकूण २६७ सभासदांपैकी २५९ सभासदांनी या निवडणुकीत मतदान केले. संघटनेच्या पदाधिकाऱ्यांनी मागील कार्यकाळात कामगार हितासाठी केलेल्या कार्याची हि एक पोहच पावती असल्याचे संघटनेचे सरचिटणीस अजित विजय गिरमे यांनी म्हटले आहे. संघटनेला कामगार हिताचे काम करण्यास शिवाजी रामचंद्र खटकाळे राष्ट्रवादी कामगार सेल अध्यक्ष, महाराष्ट्र राज्य यांचे बहुमोल मार्गदर्शन लाभले. 

    बहुजन विकास पॅनेलच्या विजयी उमेदवारांमध्ये अध्यक्ष अमोल अर्जुन अरंगळे - १७१ मते, सरचिटणीस अजित विजय गिरमे - १०२ मते, कोषाध्यक्ष योगेश बबन भोंडवे - १३३, सदस्य सोमनाथ बाबासाहेब डांगे - १६२ मते, सदस्य अनिल अरविंद गिरमे - १३९ मते, अमित ताया शिंदे - १४३ मते, सदस्य रवींद्र रमेश बनकर - १४१ मते याचा समावेश आहे.