शिवप्रहार न्युज - श्रीरामपूर(बेलापूर) ते परळी रेल्वे मार्गासाठी खासदारांचे PM मोदींना पत्र…
Editor Chandu Aage 
श्रीरामपूर(बेलापूर) ते परळी रेल्वे मार्गासाठी खासदारांचे PM मोदींना पत्र…
श्रीरामपूर - श्रीरामपूर शहरातील श्रीरामपूर रेल्वे स्टेशन उर्फ बेलापूर रेल्वे स्टेशन ते परळी रेल्वे स्थानक,बीड असा ब्रिटिश काळापासून रेल्वेमार्ग प्रस्तावित आहे. हा रेल्वे मार्ग पूर्ण होण्यासाठी अनेकांनी आंदोलन देखील केले आहे.हा रेल्वे मार्ग पूर्ण झाला तर शिर्डी ते तिरुपती बालाजी या दोन जागतिक देवस्थान तथा तीर्थक्षेत्रामधील अंतर 500 पेक्षा जास्त किलोमीटरने कमी होणार असूनही दोन्ही तीर्थस्थळे जवळच्या मार्गाने जोडली जातील.
नवनिर्वाचित खासदार भाऊसाहेब वाकचौरे यांनी पंतप्रधान नरेंद्र मोदी यांना ह्या रेल्वेमार्गाला मंजुरी द्यावी असे निवेदन नुकतेच दिले आहे.रेल्वे मार्ग पूर्ण झाल्यास उत्तर नगर व बीड जिल्ह्यातील नागरिकांना याचा मोठा फायदा होईल. तसेच आपले श्रीरामपूर(बेलापूर) रेल्वे स्टेशन हे जंक्शन म्हणून गणले जाईल व श्रीरामपूरला देखील प्रचंड मोठा फायदा या मार्गामुळे होणार आहे.
