शिवप्रहार न्युज - ३ जणींनी तरूणाच्या डोळ्यात मिरची टाकून केले चाकूने वार ...
Editor Chandu Aage 
३ जणींनी तरूणाच्या डोळ्यात मिरची टाकून केले चाकूने वार ...
श्रीरामपूर (शिवप्रहार न्युज)- तरूणाच्या डोळयात मिरची फेकून तिघा बहिणींनी त्याला दगड, चाकूने मारहाण करण्याचा प्रकार श्रीरामपूर शहरातील वॉर्ड नं. १ मध्ये घडला आहे. याबाबत, अरबाज मस्तान शेख, वय-२३, धंदा ड्रायव्हर याने पोलिसात फिर्याद दिली आहे, त्यात म्हटले आहे की, काल बुधवार दि. १४ ऑगस्टला दुपारी १२.३० वॉर्ड नं. १ मधील कोर्टाच्यामागे असलेल्या मोकळ्या मैदानात आपण उभा असताना तेथे अचानक रानू शेख, निलो शेख, बुरगून शेख असे आले व तू आमचा भाऊ सोहेल याला फोन करून कशाला बोलावले? असे म्हणत तीनपैकी एकीने डोळ्यात मिरची फेकली व सर्व बहिणींनी आपणास मारायला सुरूवात केली.
एकीने डोक्यात दगड मारला तर दुसरीने चाकू मारून आपल्याला जखमी केले. या हल्ल्यात आपण बेशुद्ध पडलो. त्यानंतर आपला मित्र सौरभ शिंदे व राजू यांनी आपल्याला जखमी अवस्थेत कामगार हॉस्पीटल येथे औषधोपचारासाठी दाखल केले.या तक्रारीवरुन याप्रकरणी पोलिसांनी रानू शेख, निलो शेख, बुरगून शेख यांच्यावर गुन्हा दाखल केला आहे. पुढील तपास श्रीरामपूर शहर पोलीस करीत आहेत.
