शिवप्रहार न्युज - बजरंगनगर मधील लक्ष्मीआई देवीचा भंडारा प्रचंड उत्साहात साजरा...
Editor Chandu Aage 
बजरंगनगर मधील लक्ष्मीआई देवीचा भंडारा प्रचंड उत्साहात साजरा...
श्रीरामपूर -शहरातील वॉर्ड नंबर ०७ मधील बेलापूररोड परिसरात असलेल्या बजरंगनगर भागातील लक्ष्मीमाता मंदिर येथे दरवर्षीप्रमाणे काल रविवार दिनांक १८ डिसेंबर रोजी महापुजा,भंडारा व महाप्रसादाचा कार्यक्रम आयोजित करण्यात आला होता.
सकाळी महालक्ष्मी माता व सप्तशृंगी माता यांच्या मूर्तीची विधिवत महापूजा करण्यात आली.त्यानंतर बजरंगनगर भागातील भाविकांच्या उपस्थितीत महाआरतीचा कार्यक्रम पार पडला व भंडाऱ्याला सुरुवात झाली.तब्बल २-३ हजार भाविकांनी महाप्रसादाचा लाभ घेतला.
बजरंगनगर भागातील लक्ष्मी माता मंदिर हे श्रीरामपूर शहरातील एक जागृत देवस्थान आहे.इच्छापूर्ती होत असल्याने व अत्यंत जागृत देवस्थान असल्यामुळे शेकडो भाविकांची विशेषतःमहिलांची या मंदिरावर प्रचंड श्रद्धा आहे.त्यामुळे मोठ्या संख्येने महिला भाविक यावेळी उपस्थित होत्या.
बेलापूररोड मित्र मंडळ,बजरंगनगर व “शिवप्रहार प्रतिष्ठान”च्या वतीने या भंडाऱ्याचे आयोजन करण्यात आले होते.मंडळाच्या कार्यकर्त्यांनी यासाठी विशेष मेहनत घेतली.
