शिवप्रहार न्युज - पोळ्याच्या दिवशी शेतकऱ्याचा चिटकून मृत्यू …
Editor Chandu Aage 
पोळ्याच्या दिवशी शेतकऱ्याचा चिटकून मृत्यू …
राहाता -राहाता तालुक्यातील शिंगवे येथील मिलिंद जनार्दन जाधव (वय 42) या शेतकऱ्याचा विजेच्या धक्क्याने जागीच मृत्यू झाला. ही घटना काल सोमवारी घडल्याने ऐन पोळा सणाच्या दिवशी शिंगवे गावावर शोककळा पसरली. मिलिंद जाधव हे सामान्य शेतकरी कुटुंबातील असून नेहमीप्रमाणे पोळा सण असल्याने सकाळपासून गायी-बैल धुणं व रंगरंगोटी करण्याच्या कामात व्यस्त होते.
सायंकाळी त्यांनी मारुती व म्हसोबा मंदिरात जाऊन देवांना नारळ फोडले व पूजा अर्चा करून घरी गेले. घराचे पाठीमागे गेले असता पावसाची संततधार सुरू असल्याने पोलवरील विजेच्या तारीच्या प्रवाहास त्यांचा संपर्क आल्याने त्यांचा जागीच मृत्यू झाला. घरातील कुटुंबियांनी एकच आरडाओरडा केला.त्यांना ताबडतोब शिर्डी येथील साईबाबा सुपर हॉस्पिटलमध्ये दाखल केले असता त्यांना मयत घोषित केले. त्यांच्या पश्चात आई, भाऊ,पत्नी व एक मुलगा असा परिवार आहे.
