शिवप्रहार न्यूज - रिलच्या नादात झालेल्या दुर्दैवी अपघातात 2 विद्यार्थी ठार, 2 जखमी  

रिलच्या नादात झालेल्या दुर्दैवी अपघातात 2 विद्यार्थी ठार, 2 जखमी  

परभणी- दुचाकीवर रील तयार करणे विद्यार्थ्यांच्या जीवावर बेतले आहे. परभणीमध्ये झेंडावंदनला एकाच गाडीवर जाणाऱ्या चार विद्यार्थ्यांचा रील तयार करताना अपघात झाला. यामध्ये दोन विद्यार्थ्याचा मृत्यू झाला आहे. तर, दोन विद्यार्थी गंभीर जखमी आहेत. झेंडावंदनाला जाताना मेला या चित्रपटातील डर है तुझे किस बात का ? या गाण्यावर विद्यार्थी रील तयार करत होते. यावेळी त्यांच्या दुचाकीचा अपघात झाला. उपचारासाठी त्यांना जवळच्या रुग्णालयात दाखल करण्यात आले होते. उपचारादरम्यान एका विद्यार्थ्याचा मृत्यू झाला, तर आज शुक्रवारी सकाळी आणखी एकाचा मृत्यू झाला. इतर दोघांची प्रकृती गंभीर आहे. परभणीच्या पाथरी सोनपेठ मार्गावर सकाळी शाळेत झेंडावंदनासाठी नववीचे हे चार विद्यार्थी एका गाडीवर जात होते. मात्र, त्यापूर्वीचं अपघातात ४ 'जण गंभीर जखमी झाले होते. 

  या अपघातानंतर या ४ जणांचा एक व्हिडिओ व्हायरल झाला आहे. व्हिडिओमध्ये हे चार विद्यार्थी शाळेकडे जात असताना पाथरी सोनपेठ मार्गावर चक्क रील बनवत होते. हा व्हिडीओ अपघातापूर्वी काही वेळ अगोदरचा असल्याचे पोलिसानी' सांगितले आहे. त्यामुळे दुचाकीवर ४ जण त्यात मोबाईल वर रिल बनवणे या विद्यार्थ्यांना चांगलेच महागात पडले आहे. गाडी चालवणाऱ्या विद्यार्थ्याचे नाव स्वप्नील चव्हाण आहे. त्याचा या अपघातात एक हात तुटला. शंतनू सोनवणे या विद्यार्थ्याचा कालच उपचारादरम्यान मृत्यू झाला आहे. तर, स्वप्निल चव्हाण याचा आज मृत्यू झाला. इतर विद्यार्थ्यांची प्रकृती चिंताजनक आहे. त्यांच्यावर अंबाजोगाईच्या रुग्णालयात उपचार सुरू आहेत.