शिवप्रहार न्यूज - श्रीरामपूरात टँकरखाली सापडून तरूण ठार
Editor Chandu Aage 
श्रीरामपूरात टँकरखाली सापडून तरूण ठार
श्रीरामपूर (शिवप्रहार न्युज)- श्रीरामपूर शहरातील सय्यद बाबा दर्ग्याजवळ पान घेण्यासाठी जात असलेल्या तरुणास मळीच्या टँकरने धडक दिली. त्यात पुणे येथील अनुपम दिनेशकुमार दसानिया हा 34 वर्षीय तरुण जागीच ठार झाला आहे.
काल शनिवरी रात्री ११ वाजण्याच्या सुमारास एमएच-17 एजे-780 या क्रमांकाचा टाटा मांझा या गाडीतून दोघेजण सय्यद बाबा दर्ग्याजवळून जात होते. त्यांनी हॉटेल मिनार जवळ आपली कार उभी केली आणि अनुपम हा तरूण पान घेण्यासाठी कारमधून खाली उतरला. त्याचवेळी पाठीमागून आलेल्या एमएच १७ बीवाय ९०३७ या मळीच्या टँकरने धडक त्याला धडक दिली. त्यात अनुपम टँकरच्या चाकाखाली सापडल्याने त्याच्या चेंदामेंदा झाला. या अपघातानंतर टँकर चालक थेट तालुका पोलिस ठाण्यात दाखल झाला. रात्री उशिरा पोलिसांनी तेथे येवून पंचनामा करून मृतदेह रुग्णालयात नेला. याप्रकरणी पुढी तपास पोनि.हर्षवर्धन गवळी यांच्या मार्गदर्शनाखाली श्रीरामपूर शहर पोलिस करत आहे.
