शिवप्रहार न्यूज - खंडाळ्याजवळ स्विफ्ट-दुचाकीच्या अपघातात तरूण ठार; तिघे जखमी...
Editor Chandu Aage 
खंडाळ्याजवळ स्विफ्ट-दुचाकीच्या अपघातात तरूण ठार; तिघे जखमी...
श्रीरामपूर (शिवप्रहार न्युज)- स्विप्ट कार आणि दुचाकीच्या धडकेत दुचाकीवरील श्रीरामपूर शहरातील तरुणाचा जागीच मृत्यू झाला आहे. तर या अपघातात स्विप्ट कार उलटल्याने कारमधील टाकळीभान येथील तिघे जखमी झाले. खंडाळ्याजवळ काल मंगळवारी रात्री 10 च्या दरम्यान हा अपघात झाला आहे. नांदूर व खंडाळा दरम्यान असणाऱ्या रस्त्यावर स्विप्ट कार व होंडा मोटारसायकल यांची जोरात धडक झाली. जोराच्या धडकेमुळे मोटारसायकलचे तुकडे झाले तर स्विप्ट कार उलटल्याने ती कार रस्त्यावरून शेतात गेली. या धडकेत श्रीरामपूर येथील गायकवाडवस्ती येथील अन्वर महमंद शेख (वय २४) याचा जागीच मृत्यू झाला. तर कारमधील तिघे जखमी झाले. ही कार टाकळीभान येथील असून तिघे जखमीही टाकळीभानचेच आहे.
