शिवप्रहार न्यूज - श्रीरामपूरात चॉपरने वार करून खूनाचा प्रयत्न...

श्रीरामपूरात चॉपरने वार करून खूनाचा प्रयत्न...

श्रीरामपूर (शिवप्रहार न्युज)- मित्राचा वाढदिवस साजरा करून गोंधवणीला आपल्या घराकडे जाणाऱ्या तरूणाला सय्यदबाबा चौकाजवळ अडवून रेल्वेलाईनच्या कडेला नेवून त्याच्यावर चॉपरने वार करून त्याचा खून करण्याचा प्रयत्न केल्याची घटना काल रात्री १०.३० वा घडली.

   महेश मुकूंद शहाणे, वय- २३, रा. गोंधवणी, वॉर्ड नं. १, श्रीरामपूर आसे जखमी झालेल्या तरूणाचे नाव असून त्याने दिलेल्या फिर्यादीत म्हटले आहे की, आपण प्रभात डेअरी येथे लॅब असिस्टंट म्हणून कामाला आहोत. काल दि. १७ मे ला साप्ताहिक सुट्टी होती. रात्री ९ ला आपण मित्र शिवराज लावर याच्या बसस्टॅन्ड समोरील रेणुका ट्रॅव्हल्स येथे गेलो होतो. त्यानंतर मित्र श्रेयस याचा वाढदिवस असल्याने मित्रांसोबत हॉटेल निलायम येथे जेवण करून रात्री १० च्या सुमारास मी मोटारसायकलवरून घरी जात असताना सय्यद बाबा चौकाजवळ उरूस असल्याने गर्दी होती. तेव्हा मी हळू जात असताना माझ्या ओळखीच्या समीर पठाण, रा.संजयनगर याने माझी गाडी थांबवून गाडी साईडला घ्यायला लावून तो माझ्या गळयात हात घालून मला रेल्वे लाईनच्या शेजारील मोकळ्या जागेत घेवून गेला. तेथे शोएब कुरेशी व जावेद शाह हे दोघे आले व या तिघांनी मला काही न विचारता मारहाण करायला सुरुवात केली. चॉपर व लाकडी दांड्याने मारहाण केल्याने माझ्या डोक्यामध्ये गंभीर दुखापत झाली. त्यामुळे मी घाबरून तेथून पळालो. त्यानंतर मी मित्र लावर याला फोन करून बोलावले व त्याने मला कामगारपीट येथे ऑडीट केले असे शहाणे याने फिर्यादीत म्हटले आहे. या फिर्यादीवरून श्रीरामपूर शहर पोलिसात समीर पठाण, शोएब कुरेशी, जावेद शाह या तिघांविरुद्ध भादंवि कलम ३०७, ३४, ३४१ प्रमाणे गुन्हा दाखल करण्यात आला असून पुढील तपास श्रीरामपूर शहर पोलीस करीत आहेत.