शिवप्रहार न्युज - श्रीरामपूरात उद्या सकल मराठा समाजाचा कँडल मार्च...
Editor Chandu Aage 
श्रीरामपूरात उद्या सकल मराठा समाजाचा कँडल मार्च...
श्रीरामपूर (शिवप्रहार न्युज)- मनोज जरांगे पाटलांच्या मराठा आरक्षणासाठी सुरू असलेल्या आमरण उपोषणास पाठिंबा म्हणून उद्या बुधवार दि.१ नोव्हेंबर रोजी सायंकाळी ६ :३० वाजता कँडल मार्च काढण्यात येणार असल्याचा निर्णय आज सायंकाळी शासकीय विश्रामगृहात झालेल्या बैठकीत घेण्यात आला. या मार्चमध्ये मराठा समाज बांधवांनी मोठ्या संख्येने उपस्थित रहावे असे आवाहन सकल मराठा समाज श्रीरामपूरच्या वतीने करण्यात आले आहे. रेल्वे स्टेशन हनुमान मंदिरापासून या कँडल मार्चची सुरवात होणार असून मेनरोड, भगतसिंग चौक, छत्रपती संभाजी महाराज चौक, छत्रपती शिवाजी महाराज रोड, छत्रपती शिवाजी महाराज चौक मार्गे महात्मा गांधी पुतळ्याजवळ या कँडल मार्चचा समारोप होणार आहे.
