शिवप्रहार न्युज - टाऊन प्लॅनिंगचे कार्यालय कधी सुरू होणार श्रीरामपूरकरांमध्ये संभ्रम…
Editor Chandu Aage 
टाऊन प्लॅनिंगचे कार्यालय कधी सुरू होणार श्रीरामपूरकरांमध्ये संभ्रम…
नगर - जिल्ह्याच्या विभाजनाचा प्रश्न ऐरणीवर असताना उत्तर नगरच्या ०७ तालुक्याचे टाऊन प्लॅनिंगचे मुख्य कार्यालय श्रीरामपूर येथे नुकतेच मंजूर झाले होते. परंतू अप्पर जिल्हाधिकारी कार्यालय शिर्डी येथे गेल्याने श्रीरामपूरकरांमध्ये अस्वस्थता निर्माण झाली असून टाऊन प्लॅनिंगचे कार्यालय कधी सुरू होणार याबाबत संभ्रम निर्माण झाला आहे.
श्रीरामपुरात या उत्तर नगर जिल्ह्यातील सात तालुक्याचे टाउन प्लॅनिंग चे कार्यालय सुरू झाल्यानंतर नगररचना विभागाशी संबंधित असलेली सर्व कामे श्रीरामपुरातून होणार आहे.त्यासाठी या सात तालुक्यातील जनतेला नगर येथे जाण्याची आवश्यकता राहणार नाही असा लाभ उत्तर नगर ला श्रीरामपूर येथे टाऊन प्लॅनिंग चे कार्यालय सुरू झाल्यावर होणार आहे.परंतु हे कार्यालय कधी निर्माण होणार,त्याची नवीन इमारत कधी होणार,ते सुरू कधी होणार याची चर्चा आणि त्याबाबतचा संभ्रम सर्वसामान्य श्रीरामपूरकरांच्या मनामध्ये आहे.
