शिवप्रहार न्यूज- राष्ट्रयोगी स्वामी गोविंददेवगिरी महाराजांना जीनवगौरव पुरस्कार….
Editor Chandu Aage 
राष्ट्रयोगी स्वामी गोविंददेवगिरी महाराजांना जीनवगौरव पुरस्कार….
बेलापूर (प्रतिनिधी) - येथील भूमिपुत्र राष्ट्रयोगी स्वामी गोविंददेवगिरी तथा पूर्वाश्रमीचे आचार्य किशोरजी व्यास यांना नगर येथील आनंदोत्सव चॅरिटेबल ट्रस्टचा राष्ट्रीय स्तरावरील जीवन गौरव पुरस्कार जाहीर करण्यात आला असून ज्ञानेश्वरी जयंती दिनी शुक्रवार दि. १६ सप्टेंबर रोजी सायंकाळी साडेचार वाजता माऊली सभागृह, अहमदनगर येथे संतवृंदांच्या हस्ते व मान्यवरांच्या उपस्थितीत हा पुरस्कार त्यांना सन्मानपुर्वक प्रदान करण्यात येईल..
यावेळी आनंदोत्सव चॅरिटेबल ट्रस्टचे चेअरमन प्राचार्य डॉ. अनिल सहस्त्रबुध्दे यांनी आजवरच्या वाटचालीतील दिव्यानुभुतींवर लिहिलेल्या मना शपथ खरं सांगेन या ७६ व्या ग्रंथाचे प्रकाशन तथा लोकार्पण सोहळाही संतवृंदांच्या हस्ते व मान्यवरांच्या उपस्थितीत होणार आहे.
