शिवप्रहार न्युज - दूध भेसळखोरांची गय केली जाणार नाही नाशिक IG डॉ.बी.जी.शेखर पाटील यांचा श्रीरामपुरात इशारा...
Editor Chandu Aage 
दूध भेसळखोरांची गय केली जाणार नाही नाशिक IG डॉ.बी.जी.शेखर पाटील यांचा श्रीरामपुरात इशारा...
श्रीरामपूर (प्रतिनिधी) - राज्यातील दूध उत्पादन आणि संकलन याच्यात मोठी तफावत असल्याने मोठ्या प्रमाणावर होणाऱ्या दूध भेसळीबाबत जागतिक आरोग्य संघटनेनेही चिंता व्यक्त केलेली आहे.
शिवाय दूध भेसळीमुळे कॅन्सरच्या रूग्णातही मोठ्या संख्येने वाढ होत आहे. त्यामुळे कुठल्याही परिस्थितीत दूध भेसळखोरांची गय केली जाणार नाही, असा इशारा नाशिक परिक्षेत्राचे विशेष पोलीस महानिरीक्षक श्री. डॉ.बी.जी.शेखर पाटील यांनी भेसळखोरांना दिला आहे.
श्रीरामपूर शहर पोलीस ठाणे व इतर पोलीस कार्यालयांचे परीक्षण करण्यासाठी श्रीरामपुरात आलेले असताना त्यांनी हा इशारा दिला.यावेळी नगर जिल्ह्याचे SP श्री.राकेश ओला यांच्यासह इतर पोलीस अधिकारी देखील उपस्थित होते.
श्रीरामपुरात १४-१५ वर्षांपूर्वी श्रीरामपूर विभागाचे तत्कालीन अप्पर पोलीस अधीक्षक श्री.सुनील कडासने यांनी दूध भेसळीचे मोठे रॅकेट उघडकीस आणले होते.
