शिवप्रहार न्यूज - बेलापुरात घराला आग; जीवितहानी टळली...
Editor Chandu Aage 
बेलापुरात घराला आग; जीवितहानी टळली...
बेलापूर (शिवप्रहार न्यूज/दिलीप दायमा)- श्रीरामपूर तालुक्यातील बेलापूर येथील बुरुड गल्ली येथील सुरेशचंद्र कन्हैयालाल ताथेड यांच्या बंद घराला आज दुपारी साडेतीनच्या सुमारास अचानक आग लागली. आगीची बातमी पसरल्याने नागरिकांनी गर्दी केली होती. आग विझवण्यासाठी श्रीरामपूर नगरपालिकेचे तसेच अशोक कारखान्याचे अग्निशमन बंब बोलवण्यात आले होते. परंतु बुरुड गल्ली येथे मोठ्या प्रमाणात अतिक्रमण असल्याने आग विझवण्यास अडथळे येत होते. अतिक्रमण असल्याने अग्निशमक बंब लांबच उभे करून अथक प्रयत्नाने आग विझवण्यात आली. या आगीत पाच ते सहा लाख रूपयांचे नुकसान झाल्याचे घरमालक ताथेड यांचे नातेवाईक राका यांनी सांगितले. घर बंद असल्याने सुदैवाने जिवीतहानी टळली.
यावेळी गावातील पुढारी, नागरिक तसेच पोलीस कॉन्स्टेबल हापसे यांच्या मार्गदर्शनाखाली पोलिस रामेश्वर ढोकणे, हरिष पानसंबळ, नंदू लोखंडे, संपत बडे यांनी घटनास्थळी थांबून सहकार्य केले.
