शिवप्रहार न्युज - सकाळी-सकाळी एस.टी.बस पलटी;विद्यार्थी किरकोळ जखमी…
Editor Chandu Aage 
सकाळी-सकाळी एस.टी.बस पलटी;विद्यार्थी किरकोळ जखमी…
संगमनेर(शिवप्रहार न्युज)-आज मंगळवार दि.२६ डिसेंबर २०२३ रोजी सकाळी एस.टी.महामंडळाची राहुरीकडून संगमनेरकडे येणारी बस संगमनेर तालुका पोलीस स्टेशन हद्दीतील पिंपळने गावामध्ये एक्सेल तुटल्यामुळे पलटी झाली आहे. सदर बसने मुख्यत्वे करून विद्यार्थी प्रवास करत होते.
काही विद्यार्थ्यांना किरकोळ जखमा असून कोणतीही जीवितहानी झालेली नाही. संगमनेर पोलीस घटनास्थळी असून, स्थानिक नागरिक देखील मदतीसाठी हजर झाले आहेत. किरकोळ जखमी असणाऱ्या विद्यार्थ्यांना उपचारासाठी संगमनेरला पाठवलेले आहे.
पालकांनी घाबरून जाण्याचे कारण नाही. पोलीस प्रशासन पुढील तपास करत आहे असे श्री.सोमनाथ वाघचौरे,उपविभागीय पोलीस अधिकारी/DySP संगमनेर यांनी सांगितले.
