शिवप्रहार न्युज - अशोक वाटिका श्रीलंका येथून निघालेली रामराज्य युवा यात्रा दि. 28 ला श्रीरामपुरात...
Editor Chandu Aage 
अशोक वाटिका श्रीलंका येथून निघालेली रामराज्य युवा यात्रा दि. 28 ला श्रीरामपुरात...
श्रीरामपूर -श्रीलंका देशातील अशोक वाटिका येथून 15 डिसेंबर 2023 रोजी निघालेली राम राज्य युवा यात्रा 22 जानेवारी 2024 रोजी श्रीराम मंदिर,अयोध्या येथे पोहचणार आहे.प्रभू श्रीरामांनी ज्या मार्गाने वनवास प्रवास केला.त्या मार्गाने ही यात्रा आयोध्येच्या दिशेने मार्गक्रमण करीत आहे.सुदर्शन न्युज या नॅशनल चैनलचे संस्थापक तथा नगर जिल्ह्याचे भूमिपुत्र श्री.सुरेशजी चव्हाणके यांचे चिरंजीव प्रदोष चव्हाणके यांच्या नेतृत्वाखाली ही यात्रा सुरू आहे.
श्रीरामपूर शहरात 28 डिसेंबर 2023 रोजी या यात्रेचे आगमन होणार असून शहरातील विविध भागांमध्ये त्याचे विविध संघटनांकडून स्वागत केले जाणार आहे.यावेळी यात्रेमध्ये असलेल्या प्रभू श्रीरामांच्या पादुकांचे पूजन व दर्शन सोहळा देखील आयोजित करण्यात आलेला आहे."शिवप्रहार"च्या वतीने महालक्ष्मी माता मंदिर,बजरंगनगर,बेलापूररोड श्रीरामपूर शहर येथे गुरुवार दि.२८रोजी सकाळी ११:०० वा.या निमित्ताने प्रभू श्रीरामांच्या पादुकांचे पूजन व दर्शन सोहळा तसेच महाप्रसादाचा कार्यक्रम देखील आयोजित करण्यात आलेला आहे.तरी सर्व भाविक भक्तांनी या दर्शन सोहळाचा लाभ घ्यावा असे आवाहन करण्यात येत आहे.
