शिवप्रहार न्युज - श्रीरामपुरात गझल हॉटेलसमोर भरधाव वेगातील XUV ने तिघांना उडवले;०१ ठार ०२ जखमी...
Editor Chandu Aage 
श्रीरामपुरात गझल हॉटेलसमोर भरधाव वेगातील XUV ने तिघांना उडवले;०१ ठार ०२ जखमी...
श्रीरामपूर- श्रीरामपूर शहरातील नेवासा रोडवर असणाऱ्या गझल हॉटेल समोर एका काळ्या रंगाच्या भरधाव वेगात जाणाऱ्या एका XUV 500 या गाडीच्या चालकाने सुसाट वेगाने गाडी चालवत तीन जणांना उडून दिले.काल दिनांक 15 जानेवारी 2024 रोजी संक्रांतीच्या दिवशी ही घटना घडली.यामध्ये एकाचा मृत्यू झाला असून दोन जण गंभीर जखमी आहेत.
हि घटना सीसीटीव्हीमध्ये कैद झाली आहे.त्यामध्ये एक महिला गाडीच्या धडकेने उंच उडुन 30-40 फूट लांब पडल्याचे दिसत आहे.घटनेतील मयताचे नाव युनूस सय्यद,राहणार-अशोक नगर असल्याचे समजते.जखमींची नावे ज्योती वाकचौरे व रणदिवे अशी आहे.
याप्रकरणी गाडीचा चालक अनिकेत कांबळेच्या विरोधात श्रीरामपूर शहर पोलीस ठाण्यात गुन्हा दाखल करण्यात आला आहे.पुढील तपास श्रीरामपूर शहर पोलीस करीत आहेत.
