शिवप्रहार न्युज - 6 वर्षाच्या मुलीवर परप्रांतीय नुरूल अलीचा लैंगिक अत्याचार; जिल्ह्यात खळबळ...
Editor Chandu Aage 
6 वर्षाच्या मुलीवर परप्रांतीय नुरूल अलीचा लैंगिक अत्याचार; जिल्ह्यात खळबळ...
नगर (शिवप्रहार न्यूज)- एका परप्रांतीय 53 वर्षाच्या नुरूल इस्लाम अब्दुल अली नावाच्या लिंगपिसाट आरोपीने 6 वर्षाच्या मुलीवर लैंगिक अत्याचार करत मुलीला धमकावल्याने पारनेर तालुक्यासह नगर जिल्ह्यात खळबळ उडाली आहे.
याप्रकरणी मिळालेली अधिक माहिती अशी की,पारनेर तालुक्यातील सुपा परिसरात आसाम राज्यातील नुरूल इस्लाम अब्दुल अली हा भाडोत्री खोली घेऊन राहत होता. त्याने परिसरातीलच 6 वर्षाच्या मुलीला भर दुपारी एकच्या सुमारास त्याच्या खोलीत ओढत नेले. सदर मुलीला काडीपेटी पेटवून चटका देण्याची भीती दाखवून तिचे कपडे काढून लैंगिक अत्याचार केला.
या घटनेने सुपा परिसरात खळबळ उडाली असून, मुलीच्या नातेवाईकांनी पोलिसात फिर्याद दिल्यावरून नराधम आरोपी नुरूल इस्लाम अब्दुल अली याच्यावर भादंवि कलम 376 सह बालकांचे लैंगिक अत्याचारापासून संरक्षण पोस्को कायदा कलमांन्वये गुन्हा दाखल करण्यात आला असून सुपा पोलिसांनी पोलिस अधीक्षक राकेश ओला यांच्या मार्गदर्शनाखाली घटनेचे गांभीर्य ओळखत आरोपी नुरूल इस्लाम अब्दुल अली याला अटक केली आहे. पुढील तपास पोनि. आव्हाड यांच्या मार्गदर्शनाखाली पोसई.पवार हे करीत आहे.
