शिवप्रहार न्युज - ट्रॅक्टर पळवणाऱ्यांसह व्यापाऱ्याला लुटणारे स्थानिक गुन्हे शाखेने ९ आरोपी पकडले...

ट्रॅक्टर पळवणाऱ्यांसह व्यापाऱ्याला लुटणारे स्थानिक गुन्हे शाखेने ९ आरोपी पकडले...

   श्रीरामपूर (शिवप्रहार न्यूज)- श्रीरामपूर तालुक्यात हत्याराचा धाक दाखवून ट्रॅक्टर पळवून नेणारे आरोपी तसेच डिसेंबर महिन्यामध्ये टाकळीभान मधील कापूस व्यापारीची ३ लाखाची बॅग पळवणारे एकूण ९ आरोपी स्थानिक गुन्हे शाखेने पकडले आहे.

   19 फेब्रुवारी रोजी भेर्डापूर येथील किशोर दत्तात्रय धिरडे हे महांकाळवाडगाव येथून उसाच्या ट्रॉलीसह ट्रॅक्टर अशोकनगर कारखान्याकडे घेऊन जात असताना आरोपींनी त्यांना हत्याराचा धाक दाखवून ट्रॅक्टर बळजबरीने पळून नेला होता. याप्रकरणी आरोपी अल्लाउद्दीन ऊर्फ अली इब्राहिम शेख (वय ३०), शकील नजीर शेख (वय २४), विशाल सुनील बर्डे (वय २६), अक्षय श्रीराम जमधडे (वय २०,रा. अंबिकानगर, कोल्हार ब्रु, ता. राहाता), सोहेल नसीर शेख (वय २०, रा. पिंजारगल्ली बाजारतळ, कोल्हार, ता. राहाता), विवेक लक्ष्मण शिंदे (वय २६, रा. टाकळीभान, ता. श्रीरामपूर) यांना अटक केली आहे.

   तसेच डिसेंबर महिन्यात टाकळीभान येथे कापूस खरेदी-विक्री करणारे व्यापारी व्यापारी रामेश्वर लोखंडे यांची तीन लाखांची बॅग घेऊन दिवसाढवळ्या चोरटे पासर झाले होते. या प्रकरणी अभिजीत गणपत बळी (रा. भोकर, ता. श्रीरामपूर), अंकुश दत्तात्रय बहिरट (रा. घोगरगाव, ता. नेवासा), इकबाल सिकंदर शेख (रा. टाकळीभान, ता.श्रीरामपूर) यांना पोलिसांनी अटक केली असून गुन्ह्याबाबत विचारपूस केली असता, त्यांनी साथीदार विवेक लक्ष्मण शिंदे (रा. टाकळीभान), लेखन कंबु काळे (रा. नेवासा) यांना टाकळीभान येथील कापूस व्यापाऱ्यावर पाळत ठेऊन व अंकुश बहीरट, लखन काळे यांनी शाईन मोटारसायकलवरुन तीन लाखांची रोकड असलेली बॅग घेऊन पळुन गेल्याचे सांगितले.

   सदरच्या दोन्ही कारवाया राकेश ओला, पोलीस अधीक्षक, वैभव कलुबर्म, अपर पोलीस अधिक्षक, श्रीरामपुर व सुनिल पाटील, उपविभागीय पोलीस अधिकारी, शेवगांव उपविभाग यांच्या सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केल्या आहे.