शिवप्रहार न्युज - श्रीरामपूर तालुक्यात शेतकऱ्याचा विहिरीत बुडून मृत्यू …
Editor Chandu Aage 
श्रीरामपूर तालुक्यात शेतकऱ्याचा विहिरीत बुडून मृत्यू …
श्रीरामपूर- तालुक्यातील खानापूर शिवारात रात्री वीज आल्यावर विहीरीवरील पाईपचा कॉक फिरवताना पाय घसरून पाण्यात पडल्याने चाळीस वर्षीय शेतकऱ्याचा पाण्यात बुडून दुर्दैवी मृत्यू झाला.
श्रीरामपूर तालुक्यातील खानापूर नवीन गावठाण येथील रवींद्र ऊर्फ बाबुराव सुभाष आदिक हा वस्ती जवळच्या शेतातील विहीरीवर वीज पंप चालू करून विहीरीच्या काठावर रात्री १० चे सुमारास अंधारात मोबाईल टॉर्चचे प्रकाशात ठिबकसाठी पाईपचा कॉक फिरवत होता. याचवेळी त्याचा पाय घसरून विहिरीत तोल गेला. आवाज ऐकून कुटुंबियांसह बाजुचे शेतकरी मदतीला धावून आले. त्यानंतर आदिक यांना विहिरीतून बाहेर काढल्यावर तातडीने रूग्णालयात दाखल करण्यात आले. उपचारापूर्वीच डॉक्टरांनी त्यास मृत घोषित केले.
सकाळी शवविच्छेदन केल्यानंतर खानापूर गोदातीरावर शोकाकुल वातावरणात अंत्यसंस्कार करण्यात आले.
