शिवप्रहार न्युज - अंड्या खंडागळेचा श्रीरामपुरात तरुणाच्या गळ्यावर वार;३०७ चा गुन्हा दाखल ...

अंड्या खंडागळेचा श्रीरामपुरात तरुणाच्या गळ्यावर वार;३०७ चा गुन्हा दाखल ...

   श्रीरामपूर (शिवप्रहार न्युज)- खर्चासाठी तरूणाकडे पैशांची मागणी करत तरूणाच्या गळ्यावर वार करुन खूनाचा प्रयत्न केल्याचा धक्कादायक प्रकार श्रीरामपूर शहरातील ओव्हर ब्रीजजवळील श्रीकृष्णनगरजवळ घडला आहे.

    याबाबत अधिक माहिती अशी की, नेवासा रोडवरील कुटे हॉस्पीटलमागे श्रीकृष्णनगरमध्ये राहणारा रोहीत लहू शेलार हा शनिवारी रात्री ८.३० च्या दरम्यान नेवासा रोडवरील सार्थक किराणा दुकानात पाण्याची बाटली आणण्यासाठी गेला होता. तेव्हा तेथे दुकानदाराबरोबर अंड्या खंडागळे याचे भांडण सुरू होते. तेव्हा रोहित याने दुकानदाराकडे पाण्याची बाटली मागितली तेव्हा अंड्या खंडागळे याने रोहितला शिवीगाळ करत मला खर्चायला पैसे दे अशी मागणी करून मारून टाकण्याची धमकी देत चॉपरसारख्या हत्याराने रोहितच्या गळ्यावर वार केला आणि जो पैसे देणार नाही त्याचा अशाचप्रकारे कांड करणार अशी धमकी देवून तेथून पळून गेला.

    यावेळी रोहितच्या गळयातून मोठ्या प्रमाणावर रक्तस्त्राव झाल्याने त्याला शहरातील साखर कामगार रूग्णालय येथे उपचारासाठी दाखल करण्यात आले. या प्रकरणी जखमी रोहित शेलार या तरूणाने श्रीरामपूर शहर पोलिसात फिर्याद दिल्यावरून गळयावर वार करून खूनाचा प्रयत्न करणाऱ्या अंडया आबासाहेब खंडागळे, रा- नेवासारोड, वॉर्ड नं. ६, श्रीरामपूर याच्याविरूद्ध भादंवि कलम ३०७, ५०४, ५०६ प्रमाणे गुन्हा दाखल करण्यात आला असून पुढील तपास पोनि.देशमुख यांच्या मार्गदर्शनाखाली श्रीरामपूर शहर पोलीस करीत आहेत.