शिवप्रहार न्युज - श्रीरामपुरात नवऱ्याबरोबर गाडीवर चाललेल्या महिलेचे गंठण मारले...
Editor Chandu Aage 
श्रीरामपुरात नवऱ्याबरोबर गाडीवर चाललेल्या महिलेचे गंठण मारले...
श्रीरामपूर (शिवप्रहार न्युज)- नवऱ्याबरोबर आजारी असलेल्या पुतणीला भेटायला निघालेल्या महिलेच्या गळयातील ४५ हजार रूपयांचे गंठन धूम स्टाईलने ओढून नेण्याचा प्रकार संगमनेर रोडवरील एसटी कार्यशाळेजवळ घडला आहे.
याबाबत अधिक माहिती अशी की, रुपाली सुधीर कदम, रा. आगाशेनगर, डि पॉल स्कूलजवळ या रात्री ७.४५ वाजता आपले पती सुधीर आणि मुलगा यांच्यासह दुचाकीवर यादवमळा येथे आजारी असलेल्या पुतणीला भेटायला आपाची गाडीवरून जात असताना खंडाळ्याजवळील एसटी कार्यशाळेजवळ त्यांच्या गाडीच्या पाठीमागून एक भरधाव मोटारसायकल आली. त्या मोटारसायकलवर मागे बसलेल्या गंठणचोराने रुपाली यांच्या गळयात असणारे सोन्याचे मिनीगंठन हिसकावून ते धूम स्टाईलने पसार झाले. यावेळी रूपाली यांनी मोठमोठ्याने आरडाओरडा केला मात्र, त्याचा काही उपयोग झाला नाही. याप्रकरणी श्रीरामपूर शहर पोलिसात भादंवि कलम ३४, ३९४ प्रमाणे गुन्हा दाखल करण्यात आला असून गंठणचोरांचा श्रीरामपूर शहर पोलीस शोध घेत आहेत.
