शिवप्रहार न्युज - रस्त्यावर स्टंटबाजी करणाऱ्या हुल्लडबाजांवर कारवाई…
Editor Chandu Aage 
रस्त्यावर स्टंटबाजी करणाऱ्या हुल्लडबाजांवर कारवाई…
संगमनेर- संगमनेर शहरातील शासकीय विश्रामगृह ते अमृतवाहिनी कॉलेज पर्यंतच्या जुन्या महामार्गावर दोन मोटर सायकल स्वारांनी स्टंटबाजी करत मोटारसायकल चालवल्या होत्या . रस्त्यावरून जाणाऱ्या काही दक्ष नागरिकांनी या हुल्लडबाज, स्टंटबाजी करणाऱ्या तरुणांचे फोटोग्राफ्स काढून ते उपविभागीय पोलीस अधिकारी श्री.वाकचौरे यांना व्हाट्सअपवर शेअर केले होते.
त्यानुसार काल रात्रीच त्या दोनही तरुणांचा शोध घेऊन त्यांच्या मोटरसायकल जप्त करण्यात आल्या. दोन्ही मोटरसायकलचे कर्णकर्कश आवाज करणारे हॉर्न तोडून टाकण्यात आले.त्याशिवाय दोन्हींपैकी एका गाडीचे सायलेन्सर मॉडिफाइड असल्यामुळे ते देखील तोडून टाकण्यात आले.
शिवाय दोन्ही गाड्यांवर गुन्हे दाखल करण्यात आले व दोन्हीही स्टंटबाज तरुणांना मोटार वाहन कायद्याखाली प्रत्येकी 2500 हजार रुपयांचा दंड करून तो वसूल करण्यात आला.
श्रीरामपुरात अशा हुल्लडबाजांवर कारवाई कधी होईल ? असा सवाल सजग नागरिक विचारत आहेत.
