शिवप्रहार न्युज - श्रीरामपूरच्या तरुणाचा पश्चिम बंगाल मध्ये मारहाणीत मृत्यू…
Editor Chandu Aage 
श्रीरामपूरच्या तरुणाचा पश्चिम बंगाल मध्ये मारहाणीत मृत्यू…
श्रीरामपूर- श्रीरामपूर तालुक्यातील टाकळीभान गावामधील ट्रक चालकचा व्यवसाय करणारे शाम शंकर गनकवार यांचा पश्चिम बंगालच्या खडकपूर येथे अपघाताच्या कारणावरून जमावाकडून झालेल्या जबर मारहाणीत मृत्यू झाला आहे.
या बाबतची अधिक माहिती अशी की,मयत ट्रक चालक शाम गणकवर हे त्यांच्या ताब्यातील कांद्याने भरलेला ट्रक घेऊन पश्चिम बंगाल येथील खडकपूर येथे जात असताना ट्रकचा अपघात झाला होता.त्यावेळी शाम हा घटनास्थळावरून ट्रक सोडून निघून न जातात मानवतेच्या भावनेने अपघातातील जखमींना मदत करत होते.परंतु तेथे आलेल्या हिंसक जमावाने त्यांच्यावर हल्ला करून त्यांना मारहाण केली.त्यामध्ये त्यांचा मृत्यू झाला.यावेळी १० पोलीस कर्मचारी देखील जमावाच्या हल्ल्यात जखमी झाले आहेत.
दरम्यान ०३ दिवसानंतर त्यांचा मृतदेह टाकळीभान गावात आल्यानंतर शोकाकुल वातावरणात त्यांच्यावर अंत्यसंस्कार करण्यात आले.मयत श्याम यांच्या पश्चात आई,पत्नी व दोन मुले असा परिवार आहे.या घटनेमुळे टाकळीभान परिसरात हळहळ व्यक्त होत आहे.
