शिवप्रहार न्यूज- वीज वितरण कंपनीच्या गलथान कारभारामुळे श्रीरामपुरात 12 वर्षीय ओमचा मृत्यू…
Editor Chandu Aage 
वीज वितरण कंपनीच्या गलथान कारभारामुळे श्रीरामपुरात 12 वर्षीय ओमचा मृत्यू…
श्रीरामपूर - श्रीरामपूर शहरातील भीम नगर भागामध्ये अनेक घरांवरून विद्युत तारा लोंबकळलेल्या अवस्थेत गेलेल्या असून याबाबत भागातील नागरिकांनी वीज वितरण कंपनीकडे तक्रारी देखील केल्या होत्या.मात्र वीज वितरण कंपनीचे अधिकारी व कर्मचारी यांनी याकडे लक्ष दिले नाही.
काल या भागातील रहवासी श्री.अढांगळे यांच्या घराला लोंबकळणाऱ्या तारेचा स्पर्श झाल्याने विद्युत प्रवाह घराच्या पत्र्यात उतरला आणि अढांगळे यांच्या घरातील 12 वर्षीय ओम अढांगळे याचा पत्र्याला हात लागल्याने शॅाक बसून जागेवर मृत्यू झाला.
त्याप्रकरणी श्रीरामपूर शहर पोलीस ठाण्यात अकस्मात मृत्यूची नोंद करण्यात आली आहे. एका १२ वर्षीय निष्पाप मुलाचा जीव गेल्यानंतर वीज वितरण कंपनीच्या कर्मचाऱ्यांना जाग आली आणि त्यांनी लोंबलेल्या विजेच्या तारा सरळ केल्या.
