शिवप्रहार न्यूज- थत्ते ग्राऊंडजवळ महिलेची मुलांना धडक; एक गंभीर...
Editor Chandu Aage 
थत्ते ग्राऊंडजवळ महिलेची मुलांना धडक; एक गंभीर...
श्रीरामपूर (शिवप्रहार न्युज)- मोटारसायकलवर जाणाऱ्या दोघा मुलांच्या गाडीला एका महिलेने जोराची धडक दिल्याने दोघेही लहान मुले जखमी झाले असून त्यापैकी एकाची प्रकृती चिंताजनक असून त्याला नगरच्या मॅक्स केअर हॉस्पीटलमध्ये हलविण्यात आले आहे.
याबाबतची अधिक माहिती अशी की, विहान आणि ओम नावाचे अंदाजे ९-१० वर्षे वयाचे हे दोन मुलं थत्ते ग्राऊंडजवळील रस्त्यावरून जात असताना एका महिलेच्या गाडीने या मुलांना जोरदार धडक दिल्याने है दोघे मुले गंभीर जखमी झाले. सदर अपघातात मुलं जखमी झाल्याचे लक्षात येताच सदर महिला आपली गाडी तेथेच टाकून फरार झाली. एका मुलाच्या वडीलांनी या महिलेची गाडी आपल्या घरी नेली आहे. यातील विहान नावाच्या मुलाच्या कानातून रक्त येत असल्याने त्याला पुढील उपचारासाठी नगरच्या मॅक्स केअर हॉस्पीटल येथे दाखल करण्यात आले असून दुसऱ्यावर श्रीरामपूरातील कामगार हॉस्पिटलमध्ये डॉ.रविंद्र जगधने यांच्या मार्गदर्शनाखाली उपचार सुरू आहे.
