शिवप्रहार न्यूज - श्रीरामपुरात कापड दुकानदाराकडून महिला कामगाराचा विनयभंग...
Editor Chandu Aage 
श्रीरामपुरात कापड दुकानदाराकडून महिला कामगाराचा विनयभंग...
श्रीरामपूर ( शिवप्रहार न्युज)- श्रीरामपूर शहरातील एका कापड दुकानदार मालकाने त्याच्या दुकानात अकाउंटंटचे काम करणाऱ्या पंचवीस वर्षाच्या तरुणीचे चुंबन घेऊन तिचा विनयभंग केला आणि तुझ्या नवऱ्याला मारून टाकीन अशी धमकी दिली. या घटनेने महिला कामगारांमध्ये खळबळ उडाली आहे. याप्रकरणी एका 25 वर्षे वयाच्या पीडित महिलेने श्रीरामपूर शहर पोलिसांत फिर्याद दिल्यावरून दुकान मालक आरोपी संतोष सुगनचंद खाबिया वय-47 रा-वार्ड नंबर ६ श्रीरामपूर याच्या विरुद्ध भादवि कलम 354, 504, 506 सह ॲट्रॉसिटी कायद्यान्वये गुन्हा दाखल झाला असून फिर्यादीत विवाहित तरुणीने म्हटले आहे की दुकानात बॅगची रॅक आवरत असताना दुकान मालकाने हाताला हात लावून जवळ ओढून गालावर चुंबन घेऊन विनयभंग केला, लज्जा उत्पन्न होईल असे वर्तन केले. तरुणीने विरोध केला असता तू खालच्या जातीची आहे असे म्हणत जातीय वाचक बोलून तू माझे काय वाकडे करणार तुला व तुझ्या नवऱ्याला मारून टाकीन अशी धमकी या व्यापाऱ्याने पीडित तरुणीला दिली. शनिवारी कापड दुकानात हा प्रकार घडला. पोलिसांनी आरोपीला अटक केली आहे. घटनास्थळी डीवायएसपी संदीप मिटके पोलीस निरीक्षक गवळी यांनी भेट दिली. पुढील तपास डीवायएसपी मिटके करीत आहे.
