शिवप्रहार न्यूज - सराईत गुन्हेगार गावठी कट्ट्यासह पकडला...

सराईत गुन्हेगार गावठी कट्ट्यासह पकडला...

श्रीरामपूर (शिवप्रहार न्युज)- श्रीरामपूर शहरातील वॉर्ड नं. २ मध्ये गावठी कट्टा व जिवंत काडतूसांसह अरबाज एजाज बागवान (वय २३, रा. संजयनगर, वॉर्ड नं. २, श्रीरामपूर) या एका सराईत गुन्हेगारास श्रीरामपूर शहरजला पोलिसांनी पकडले आहे. आरोपी अरबाजला न्यायालयासमोर हजर केले असता न्यायालयाने त्याला दोन दिवस पोलीस कोठडी दिली आहे.

  शहर पोलीस स्टेशनचे पोलीस निरीक्षक हर्षवर्धन गवळी यांना मिळालेल्या माहितीवरून शहर पोलीस स्टेशनच्या तपास पथकाने मिळालेल्या माहितीच्या ठिकाणी छापा टाकून अरबाज एजाज बागवान याची झडती घेतली असता त्याच्या कमरेला एक गावठी कट्टा व खिशात एक जिवंत राऊंड मिळुन आला. त्यावरुन पोलिसांनी अरबाज एजाज बागवान याला तात्काळ अटक करुन त्याच्याविरुद्ध गु.र.नं. ४९८/२०२३ भारतीय हत्यार कायदा कलम ३/२५ अन्वये गुन्हा दाखल केला. बागवान याच्याविरुध्द श्रीरामपूर शहर पोलीस स्टेशनसह नगर, कोतवाली पोलीस स्टेशन येथे विविध कलमान्वये गुन्हे दाखल आहेत. शस्त्र बाळगल्याच्या गुन्ह्यात अटक केल्यानंतर पोलिसांनी अरबाज बागवान याला येथील प्रथम वर्ग न्यायदंडाधिकारी श्री. खराडे यांच्यासमोर उभे केले असता न्यायालयाने त्याला २ दिवसांची मोलीस कोठडी सुनावली. सदर गुन्ह्याचा पुढील तपास पोलीस उपनिरीक्षक समाधान सुरवाडे करीत आहे.

  बेकायदेशीर बंदुक, पिस्टल किंवा इतर अग्नीशस्त्रे वापरणे कायद्याने गुन्हा असून, कोणत्याही प्रकारचे अग्नीशस्त्राविषयी माहिती मिळाल्यास तात्काळ श्रीरामपूर पोलीसांना माहिती द्यावी, असे आवाहन श्रीरामपूर शहर पोलिसांनी केले आहे.