शिवप्रहार न्यूज - श्रीरामपूरच्या महिलांचे शिर्डी बस स्टँडवर दागिने चोरले...
Editor Chandu Aage 
श्रीरामपूरच्या महिलांचे शिर्डी बस स्टँडवर दागिने चोरले...
श्रीरामपूर (शिवप्रहार न्युज)- शिर्डी बस स्टॅण्डवर बसमध्ये चढत असताना गर्दीचा फायदा घेत अज्ञात चोरटयाने श्रीरामपूरच्या दोन महिलांचे ९० हजारांचे दागिने चोरून नेले आहे. यांबाबत, अश्विनी किशोर वेताळ, वय-२९, धंदा-घरकाम, रा.ब्राम्हणगाव वेताळ, ता. श्रीरामपूर या महिलेने दिलेल्या फिर्यादीत म्हटले आहे की, काल दि.९ जून रोजी सायं. ६.३० च्या सुमारास शिर्डी बस स्टॅण्डवर मी व प्रमिला संतोष देशमुख अशा आम्ही दोघी शिर्डी येथे बस स्टॅण्डवर बसमध्ये चढत होतो. त्यावेळी कोणीतरी अज्ञात चोरटयाने ३० हजार रू. किंमतीचे दीड तोळयाचे मिनीगंठन, ४० हजार रू. किंमतीचे मनीमंगळसूत्र आणि २० हजार रू. किंमतीची १ तोळा वजनाची पोत, बदामी आकाराचे पँडल असे सुमारे ९० हजारांचे दागिने चोरून नेले. अश्विनी वेताळ या महिलेच्या फिर्यादीवरून शिर्डी पोलिसांत भादंवि कलम ३७९ प्रमाणे गुन्हा दाखल करण्यात आला आहे. याप्रकरणी पुढील तपास शिर्डी पोलीस करीत आहेत.
