शिवप्रहार न्युज - ऊस तोडणीच्या हार्वेस्टरखाली चिरडून महिलेचा दुर्दैवी मृत्यू...
Editor Chandu Aage 
ऊस तोडणीच्या हार्वेस्टरखाली चिरडून महिलेचा दुर्दैवी मृत्यू...
श्रीरामपूर (शिवप्रहार न्यूज)- श्रीरामपूर तालुक्यात सध्या कारखान्यासाठी ऊस तोडणी करण्यासाठी अनेक ठिकाणी ऊस तोडणी हार्वेस्टर मशीन वापरले जात आहे. आज दुपारी श्रीरामपूर तालुक्यातील खैरी निमगाव परिसरात महाजन वाडी भागात हार्वेस्टर मशीन ऊस तोडणी करत असताना हार्वेस्टर मशीन खाली सापडून 70 वर्षीय वृद्ध महिला शकुंतला दादासाहेब सोनवणे यांचा चिरडून दुर्दैवी मृत्यू झाला.
या दुर्दैवी घटनेने परिसरात हळहळ व्यक्त होत असून शकुंतलाबाई ऊसाची टिपूरं गोळ्या करण्यासाठी या शेतात होत्या तेव्हा हार्वेस्टर चालकाच्या दुर्लपणाक्षामुळे सदर महिलेला आपला जीव गमावा लागला. सदर हार्वेस्टर एका माजी तलाठ्याचा असल्याचे समजते. याप्रकरणी महिलेचा मृतदेह श्रीरामपुरात पंचनाम्यासाठी आणला असून पोलीस चौकशी करत आहे.
