शिवप्रहार न्युज - पत्नीने प्रियकराच्या मदतीने केला पतीचा खून…

पत्नीने प्रियकराच्या मदतीने केला पतीचा खून…

शेवगांव- पोलीस स्टेशन हद्दीत दि.०५/१०/२०२४ रोजी सायंकाळी १८/०० वा.चे सुमा. विजयपुर गावामधील अनिल ज्ञानदेव जगदाळे व त्याची प्रियसी या दोघांमध्ये बरेच दिवसांपासुन असलेल्या अनैतिक प्रेमसंबंधाचे कारणावरुन ज्ञानेश्वर पांडुरंग जाधव,वय ३२ वर्षे रा.विजयपुर ता.शेवगाव यास आरोपी नामे -१) अनिल ज्ञानदेव जगदाळे याने डोक्यात, हातावर, छातीवर लोखंडी गजाने मारहाण करुन त्यास गंभीर जखमी करुन जीवे ठार केले होते. म्हणुन मयत ज्ञानेश्वर पांडुरंग जाधव यांचे वडिल पांडुरंग बाबासाहेब जाधव यांनी वरिल दोघांविरुध्द शेवगाव पोलीस स्टेशन येथे गु.रजि.नं. ८०१/२०२४ भा.न्या.सं.कलम-१०३(१) प्रमाणे परवा दिनांक-०५/१०/२०२४ रोजी गुन्हा दाखल केला होता.

      सदर गुन्हा दाखल झाल्यानंतर मा. पोलीस निरीक्षक समाधान नांगरे यांनी तपासाची चक्रे वेगाने फिरवुन वेगवेगळी दोन पोलीस पथके बिडकीन,पैठण व छत्रपती संभाजीनगर भागात रवाना करण्यात आले होते. तसेच आरोपी नामे व त्याची प्रियसी असे दोघांना पोलीस पथकाने आरोपींची ओळख पटवुन ताब्यात घेवुन नमुद गुन्ह्याविषयी विश्वासात घेवुन विचारपुस केली. तेव्हा आरोपीने खुनाच्या गुन्ह्यात कबुली दिल्याने एका आरोपीस काही तासातच तसेच इतर साथीदार (प्रियसी) आरोपी यांना १२ तासाचे आत अटक करण्यात आली आहे. आरोपींची नावे- १) अनिल ज्ञानदेव जगदाळे वय- २३ वर्षे व त्याची प्रियसी दोघे रा. विजयपुर ता. शेवगाव जि. नगर यांना नमुद गुन्ह्यात अटक करण्यात आली आहे. 

       सदरची कारवाई ही मा.पोलीस अधिक्षक श्री. राकेश ओला नगर, मा. अप्पर पोलीस अधिक्षक श्री. प्रशांत खैरे नगर, मा. उपविभागिय पोलीस अधिकारी श्री सुनिल पाटील उपविभाग शेवगांव यांचे मार्गदर्शनाखाली पो.नि. श्री समाधान नागरे, सपोनि सुंदरडे, पोसई अमोल पवार, पोहेकॉ नाकाडे, पोहेकाँ निलेश म्हस्के, पोहेकाँ नितीन भताने, पोहेकाँ किशोर काळे, पोना संभाजी धायतडक, पोकॉ शाम गुंजाळ, पोकॉ धाकतोडे, पोकॉ संतोष वाघ, पोकाँ राहुल खेडकर, पोकाँ प्रशांत आंधळे यांनी केली असुन पुढील तपास पो. नि.श्री समाधान नागरे हे करत आहेत.