शिवप्रहार न्युज - बेलापूरात इस्रोचे स्पेस ऑन व्हील्स कार्यशाळेला सुरूवात...

बेलापूरात इस्रोचे स्पेस ऑन व्हील्स कार्यशाळेला सुरूवात...

   बेलापूर (शिवप्रहार न्युज)- भारतीय अंतराळ संशोधन संस्था (ISRO) व विज्ञान भारती यांच्या संयुक्त विद्यमाने तसेच गंगाधरशास्त्री बद्रिनारायणशेठ साळुंके सामाजिक प्रतिष्ठान, बेलापूर यांच्या विशेष प्रयत्नाने राम मंदिर ट्रस्टचे कोषाध्यक्ष स्वामी गोविंददेव गिरीजी महाराज यांच्या प्रमुख उपस्थितीमध्ये  रविवारी सकाळी १० वाजता आझाद मैदान बेलापूर बुद्रुक येथे इस्त्रो स्पेस ऑन व्हील हा उपक्रमास मोठ्या उत्साहात सुरूवात झाली. इस्त्रो स्पेस ऑन व्हील हा उपक्रम यशस्वी होण्यासाठी गंगाधरशास्त्री बद्रिनारायणशेठ साळुंके सामाजिक प्रतिष्ठानचे अध्यक्ष प्रदिप साळुंके, अँड. मयुर साळुंके, अँड. अजिंक्य साळुंके हे प्रयत्नशील आहेत.

   या उपक्रमाबाबत अधिक माहिती देताना श्री साळुंके म्हणाले की, बेलापूर व परिसरातील विद्यार्थ्यांना अंतराळ विज्ञान आणि तंत्रज्ञानातील अद्ययावत घडामोडींची ओळख करून देण्यासाठी सदरच्या उपक्रमाचे आयोजन करण्यात आले आहे. इस्रो(ISRO) बसद्वारे विविध उपक्रम सादर करून ग्रामीण भागातील विद्यार्थ्यांच्या कुतूहलाला पंख देण्यासाठी एक उत्तम संधी उपलब्ध करून देण्यात आली आहे. इस्रो या देशपातळीवरील महत्वाच्या अंतराळ संस्थेची कार्य रचना,देश हिताचे उपक्रम समजून सांगण्यात येत आहे. तसेच इस्रो या अंतराळ संस्थेमध्ये उपलब्ध असणाऱ्या विविध संधी बाबत देखील मार्गदर्शन करण्यात येत आहे. विद्यार्थ्यांना ज्ञानसंपन्न बनविण्यासाठी तसेच त्यांच्या मनात विज्ञान आणि तंत्रज्ञानाची आवड निर्माण करण्यासाठी इस्त्रो ऑन व्हील्स या उपक्रमाला बेलापूर व परिसरातील विद्यार्थी, पालक, शिक्षक तसेच नागरिकांनी आवर्जून भेट द्यावी. सदरचा उपक्रम मोफत आणि सर्व वयोगटासाठी खुला आहे. सदर उपक्रम ७ वाजेपर्यंत असून मोठ्या संख्येने सहभागी व्हावे असे आवाहन गंगाधरशास्त्री बद्रिनारायणशेठ साळुंके सामाजिक प्रतिष्ठानचे अध्यक्ष प्रदीप साळुंके,ॲड. मयुर साळुंके, अँड.अजिंक्य साळुंके,पुरुषोत्तम साळुंके, प्रताप साळुंके, प्रज्वल साळुंके, सोहम साळुंके, संजय साळुंके,यांनी केले आहे.