शिवप्रहार न्युज - नाशिकमध्ये दागिने चोरणारा श्रीरामपूरचा आरोपी पकडला...
Editor Chandu Aage 
नाशिकमध्ये दागिने चोरणारा श्रीरामपूरचा आरोपी पकडला...
नाशिक /श्रीरामपूर (शिवप्रहार न्युज)- बसमध्ये चढणाऱ्या महिलांच्या पर्समधील सोन्याचे दागिने चोरणाऱ्या श्रीरामपूरातील सराईत गुन्हेगाराला स्थानिक गुन्हे शाखेने नुकतेच ताब्यात घेतले आहे.
नाशिक शहरातील ठक्कर बस स्थानकात मुंबई-नंदुरबार बसमध्ये चढत असताना एका महिलेचे मंगळसूत्र चोरीस गेले. याप्रकरणी सरकारवाडा पोलीस ठाण्यात गुन्हा दाखल करण्यात आला होता. मुंबई नाका, ठक्कर बाजार परिसरात वाढणारी गर्दी पाहता पोलीस आयुक्तांनी या गुन्ह्यांवर नियंत्रण मिळविण्यासाठी काही सूचना केल्या. त्यानुसार स्थानिक गुन्हे शाखेच्या वतीने माहिती संकलित केली असता सोनसाखळी चोरीमध्ये सराईत गुन्हेगारांचा सहभाग असल्याचे आढळले. पोलिसांनी सापळा रचत साहिल पठाण (२३, रा. श्रीरामपूर) याला ताब्यात घेतले.
दरम्यान साहिल याने गुन्ह्याची कबुली दिली आहे.त्याच्या कबुलीमुळे सरकारवाडा पोलीस ठाण्याकडील ०३ आणि मुंबई नाका पोलीस ठाण्यातील ०२ गुन्हे उघडकीस आले आहेत.
