शिवप्रहार न्यूज- श्रीरामपुरात काळाराम मंदिर परिसरात दोन महिलांच्या गळ्यातील गंठण धूम स्टाईलने चोरले...
Editor Chandu Aage 
श्रीरामपुरात काळाराम मंदिर परिसरात दोन महिलांच्या गळ्यातील गंठण धूम स्टाईलने चोरले...
श्रीरामपूर- श्रीरामपूर शहरातील काळाराम मंदिर परिसरात टिळेकर हॉस्पिटल जवळ दोन गंठण चोरीच्या घटना घडल्या आहेत.यामध्ये एका डॉक्टरच्या पत्नीचे गंठण मोटारसायकलवरून येणार्‍या दोघांनी धूम स्टाईलने चोरले.यावेळी झटका बसल्याने या डॉक्टर पत्नी खाली पडल्या. त्या आरडाओरडा करत असतानाच पसार झालेल्या चोरट्यांनी काही अंतरावरच आणखी एका महिलेचे गंठण ओरबाडून नेले.
या घटनांमुळे काळाराम मंदिर परिसरात खळबळ उडाली आहे व महिलांमध्ये घबराटीचे वातावरण पसरले आहे.
याप्रकरणी श्रीरामपूर शहर पोलीस पुढील कारवाई करत आहे.तरी महिला वर्गात मात्र या घटनांमुळे संतापाचे वातावरण आहे.
