शिवप्रहार न्युज - अडचणी दूर करतो सांगून भोंदूबाबाचा तरुणीवर बलात्कार...

अडचणी दूर करतो सांगून भोंदूबाबाचा तरुणीवर बलात्कार...

   संगमनेर (शिवप्रहार न्यूज)- सामान्य जनतेला कुटुंबातील येणाऱ्या अडचणी कोणत्या थराला घेऊन जातात हे भयान वास्तव पुन्हा एकदा उघड झाले असून, तुमच्या घरातील अडचणी दूर करतो असे म्हणत एका भोंदू बाबाने 27 वर्षाच्या विवाहीत तरुणीवर तिच्या घरातच बलात्कार केला. धक्कादायक बाब म्हणजे या प्रकाराचे चित्रीकरण झाल्याचेही समोर आले आहे. याप्रकरणी पीडित महिलेच्या फिर्यादीवरून आरोपी भोंदू बाबा शिवाजी पांडे, वय-७२ रा-शिरापूर, ता.संगमनेर याच्या विरुद्ध भादवी कलम 376, महाराष्ट्र नरबळी आणि इतर माणूस अनिष्ट व आघोरी प्रथा जादूटोणा प्रतिबंध कायदा अधिनियम 2013 चे कलम ३ (१) २ प्रमाणे आश्वी पोलिसांत गुन्हा दाखल करण्यात आला असून पोलीस निरीक्षक भंडारे यांनी तातडीने आरोपी शिवाजी पांडे याला अटक केली आहे. 

   याबाबत अधिक माहिती अशी की, संगमनेर तालुक्यातील सादतपूर परिसरात एक कुटुंब राहते या पती-पत्नीच्या कुटुंबात काही घरगुती अडचणी होत्या नवऱ्याच्या गाडीचा एक्सीडेंट व्हायचा. तुमच्या घरातील अडचणी दूर करतो व होम हवन करतो असे सांगून आरोपी शिवाजी पांडे यांनी सदर कुटुंबाशी ओळख करून विश्वास संपादन करून सदर पीडित कुटुंबाच्या घरी जाऊन तीन लसणाच्या कांड्या घ्यायला लावून २७ वर्षाच्या विवाहीत तरुणीवर भस्म व भंडारा फेकून अघोरी कृत्य करायला सांगून तिच्यावर बळजबरीने लैंगिक अत्याचार करून बलात्कार केला. यावेळी नवरा शेतात औषध मारला गेला होता. आल्यावर त्याने हा प्रकार पाहिला आणि त्याला धक्काच बसला विशेष म्हणजे या अत्याचाराचे मोबाईल मध्ये चित्रीकरण करण्यात आले असून सदर मोबाईल पोलिसांना मिळाला असल्याचे विश्वसनीय सुत्राकडून समजले. आरोपी पांडे हा गेल्या पंधरा ते अठरा वर्षापासून अशी भोंदूगिरी करून अनेक महिलांना त्यांनी आपल्या वासनेची शिकार केल्याचे बोलले जात असून पोलीस या बाबतीत बारकाईने तपास करत असून आरोपीचा मोबाईलही पोलिसांना मिळाला आहे. त्यामुळे आणखी किती महिला या भोंदू बाबाच्या अंधश्रद्धेला बळी पडल्या ? हा प्रकार तपासात पुढे येणार आहे. 

   एसपी.राकेश ओला, अप्पर पोलीस अधीक्षक स्वाती भोर, डीवायएसपी सोमनाथ वाकचौरे यांच्या मार्गदर्शनाखाली स्वतः पोलीस निरीक्षक भंडारी हे या प्रकरणी कसून तपास करीत आहे. घरात भोंदू बाबांना घेणे किती धोकादायका आहे हे आता या घटनेतून पुन्हा एकदा समोर आले आहे.