शिवप्रहार न्युज - कुतरं बांधून ठेवा म्हटल्याने कुत्र्याला चावायला लावून मारहाण…
Editor Chandu Aage 
कुतरं बांधून ठेवा म्हटल्याने कुत्र्याला चावायला लावून मारहाण…
राजुरी (शिवप्रहार न्यूज )- राहता तालुक्यातील राजुरी गाव परिसरात राहणारा शेतकरी गणेश चांगदेव भालेराव यांनी त्याच्या शेजारी राहणारे जाधव यांना सांगितले की,”तुमचा पाळीव कुत्रा भुंकत आहे त्याला बांधून ठेवा “. तेव्हा आरोपी शिवाजी बाळासाहेब जाधव म्हणाला की,”मी कुत्रा बांधणार नाही.तुला काय करायचे करून घे” असे म्हणत कुत्रा अंगावर सोडला.कुत्र्याने गणेश भालेराव यांच्या पायाला व छातीला कडकडून चावा घेतला.
तसेच शिवाजी जाधव याने भालेराव याला बेदम मारहाण केली या प्रकरणी जखमी गणेश भालेराव यांच्या फिर्यादीवरून आरोपी शिवाजी बाळासाहेब जाधव,राहणार -राजुरी याच्याविरुद्ध लोणी पोलिसात भादंवि कलम 324,352,504 प्रमाणे गुन्हा दाखल करण्यात आला असून सपोनि आठरे यांच्या मार्गदर्शनाखाली पोलीस हवालदार साळवी हे पुढील तपास करीत आहे.
विशेष म्हणजे भालेराव व जाधव हे शेजारी-शेजारी राहणारे आहेत .
