शिवप्रहार न्युज - भंडारदर्‍याला फिरायला गेलेल्या श्रीरामपूरच्या तरुणाचा डोहात बुडून दुर्दैवी मृत्यू...
Editor Chandu Aage 
भंडारदर्‍याला फिरायला गेलेल्या श्रीरामपूरच्या तरुणाचा डोहात बुडून दुर्दैवी मृत्यू...
संगमनेर/श्रीरामपूर (शिवप्रहार न्यूज)- सध्या भंडारदरा धरण भरलेले असून तेथील निसर्गाचा आनंद घेण्याचा मोह सर्वांनाच असतो. श्रीरामपूर शहरातील दत्तनगर परिसरातील काही तरुण भंडारदरा धरण पाहण्यासाठी गेले होते. काल शनिवारी दुपारी तीनच्या सुमारास रंधा धबधबा परिसरात चाटुपाळा डोह येथे मोबाईलवर बोलता बोलता पाय घसरून सुमित उर्फ सनी बाबासाहेब वाघमारे वय-19, रा-दत्तनगर, श्रीरामपूर हा पाय घसरून डोहात पडला. डोह 70 ते 80 फूट खोल असून त्याला शोधण्यासाठी स्थानिक नागरिकांनी व पोलिसांनी मोठे परिश्रम घेऊन त्याचा मृतदेह बाहेर काढला. राजुर पोलिसांत अकस्मात मृत्यूची नोंद करण्यात आली आहे. भंडारदरा परिसरातील रस्ते, डोंगर, दर्र्या धोकादायक असून प्रत्येकाने काळजी घेणे आवश्यक आहे. सुमितच्या या दुर्दैवी निधनाने दत्तनगर परिसरासह श्रीरामपूर शहरात हळहळ व्यक्त होत आहे. याप्रकरणी सपोनी.दातरे यांच्या मार्गदर्शनाखाली पोना.डगळे हे पुढील तपास करीत आहे.
