शिवप्रहार न्युज - श्रीरामपूर बस स्टँडवर महिलेचे गंठन मारले...
Editor Chandu Aage 
श्रीरामपूर बस स्टँडवर
महिलेचे गंठन मारले...
श्रीरामपूर(प्रतिनिधी)- श्रीरामपूर बस स्टँडवर गेल्या दोन दिवसांपूर्वी राहुरी कृषी विद्यापीठातील प्रोफेसर असलेल्या महिलेचे बसमध्ये चढताना गंठन चोरण्याचा प्रकार ताजा असताना आता पुन्हा काल बुधवारी एका महिलेचे मिनिगंठन चोरून नेण्याचा प्रकार समोर आला आहे.
याबाबत अधिक माहिती अशी की, टाकळीभान येथील रंजना सखाहारी शेजूळ, वय-45, धंदा-घरकाम या काल बुधवार दि. 29 नोव्हेंबर रोजी दुपारी 12.30 च्या सुमारास श्रीरामपूर बस स्टॅँड येथे असताना त्यांच्या गळयातील 50 हजार रू.किंमतीचे 17 ग्रॅम वजनाचे सोन्याचे मिनीगंठन अज्ञात चोरटयाने नकळत चोरून नेले आहे. याप्रकरणी काल दुपारी उशिरा शेजूळ यांनी श्रीरामपूर शहर पोलिसात फिर्याद दिल्यावरून अज्ञात गंठन चोराविरूद्ध भादंवि कलम 379 प्रमाणे गुन्हा दाखल करण्यात आला आहे. याप्रकरणी पुढील तपास श्रीरामपूर शहर पोलीस करीत असून श्रीरामपूर बस स्थानक परिसरात वाढलेल्या चोर्‍यांमुळे या परिसरात पोलीस बंदोबस्त वाढवण्याची मागणी प्रवाशांमधून होत आहे.
