शिवप्रहार न्युज - श्रीरामपुरात माजी शिक्षिकेच्या घरात घरफोडी; २.५ लाखाचा ऐवज नेला...
Editor Chandu Aage 
श्रीरामपुरात माजी शिक्षिकेच्या घरात घरफोडी; २.५ लाखाचा ऐवज नेला...
श्रीरामपूर (शिवप्रहार न्युज)- श्रीरामपूर शहरातील लक्ष्मीनारायण नगरमधील बंद घर फोडून अज्ञात चोरटयाने सुमारे अडीच लाखांचे दागदागिने, वस्तू, रोकड चोरून नेली आहे. याबाबत अधिक माहिती अशी कि, लता गोविंद शिंदे, वय-६२ या सेवानिवृत्त शिक्षिकेचे घर वॉर्ड नं. १, गोंधवणी रोडवर लक्ष्मीनारायणनगर येथे आहे. त्यांचे घर बंद असतांना कोणीतरी अज्ञात चोरट्याने याचदरम्यान त्यांच्या राहत्या घराच्या दरवाजाचे कुलूप तोडून आत प्रवेश करून लाकडी कपाटातील रोख रक्कम तसेच टिव्ही, सेटअप बॉक्स, सोन्याचे दागिने, पितळी टिप असा जवळपास २ लाख ४७ हजार ५०० रूपयांचा मुद्देमाल चोरून नेला आहे.
याप्रकरणी श्रीरामपूर शहर पोलिसात भादंवि कलम ४५४, ४५७, ३८० प्रमाणे गुन्हा दाखल करण्यात आला आहे. पुढील तपास श्रीरामपूर शहर पोलीस करीत आहेत.
